Шупашкарта кӗмӗл волонтерсен "Кӗмӗл чун" республика форумӗ иртрӗ

Яланах пулӑшма хатĕр, ырӑ чунлӑ волонтерсене ЧР Пуҫлӑхĕ Олег Николаев ӑшшӑн саламларĕ. Ырӑ ĕҫсем тунӑшӑн, пуҫаруллӑ пулнӑшӑн аслӑ ҫулсенчи волонтерсене тав турĕ. Форума 200 ытла волонтер, ЧР Ĕҫлев министерствин ĕҫченĕсем хутшӑнчĕҫ. Уявра "Чи лайӑх кĕмĕл волонтер" республика конкурсне пĕтĕмлетрĕҫ. Ҫĕнтерӳҫĕсене дипломсемпе, парнесемпе чысларĕҫ. "Волонтер-наставник" номинацире Шупашкарта пурӑнакан Татьяна Тихонова мала тухрĕ. Вӑл волонтер пулса 16 ҫемьери 28 ачана пулӑшнӑ.

Первоисточник: ИД "Хыпар"